Автор: Мирзой





Хьайи хьтин,акъайин са агьвалат,

Белки куь цел амукьайтlа саламат,

Пагь, хьана хьи ,чун са кьадар аламат,

Акур чlавуз цел фейивал цаварай.



Кlватl хьана хьиз аял-куял нисинихъ,

Суфрад вилик ацукьнавай кефиниз,

Са чапакда целце авай нисини-

Вичизни нек акунвай хьиз ахварай.



Пичинал цlай акьалтна куз лавашар,

Къуьтlуьн кьула мад маса кеф авача,

Чlалахъ туштla, куьнни ша къвен тамаша,

Ахпа килиг ,лугьумир хьи тапарар.



Къвезва са-сад суфрад кьулал лавашар-

Ацlай чувал жезва къвез-къвез явашар,

Гъуьрни амач, я суфрадал лавашар-

Ялав фена иесидин дамарай.



Чатхуна цел гадарна пис,дакlардай,

Элкъвез-элкъвез фена хьи цел чlафардай.

Факъирдиз гьич сад хьаначир,хабардай-

Кьанцlурди кlвал акъудда лап къапарай.



Кьанцlур-смесь продуктов из отходов молока ,

настоянный в бурдюке из необработанной

шкуры козы(можно и козла).